* ஒரு பின்னரவில்...
ஒரு பின்னரவில்
இறங்கத் தயங்குகின்றன
இவ்விரண்டு கண்ணிமைகள்
தலையணைகள் எவ்விதம் கடும்பாறையாயிற்று
காலகொண்ட மிதக்கின்ற கட்டில்
வெளியேறி உலவினால் வியப்பதற்கில்லை
புது வழக்குச் சீட்டில்
இவனது பேரை எழுதிக் கொண்டு போனது
உளவு பார்த்த காற்று
தலைமேலோர் கறும்பல்லி
விழுந்தோடித் தொலைந்தது
திரையில் ஒளிர்ந்த ரோஜாவை தண்டிக்க
திரை கிழித்தால் வழிவதோ என்குருதி
வேடிக்கை பார்த்தமனம்
இறுதியில் சொன்னது படுத்தால்
தூங்கும் யோகம் வேண்டுமா மோகத்தின்
பின்னால் அலைவதை நிறுத்து!
இறங்கத் தயங்குகின்றன
இவ்விரண்டு கண்ணிமைகள்
தலையணைகள் எவ்விதம் கடும்பாறையாயிற்று
காலகொண்ட மிதக்கின்ற கட்டில்
வெளியேறி உலவினால் வியப்பதற்கில்லை
புது வழக்குச் சீட்டில்
இவனது பேரை எழுதிக் கொண்டு போனது
உளவு பார்த்த காற்று
தலைமேலோர் கறும்பல்லி
விழுந்தோடித் தொலைந்தது
திரையில் ஒளிர்ந்த ரோஜாவை தண்டிக்க
திரை கிழித்தால் வழிவதோ என்குருதி
வேடிக்கை பார்த்தமனம்
இறுதியில் சொன்னது படுத்தால்
தூங்கும் யோகம் வேண்டுமா மோகத்தின்
பின்னால் அலைவதை நிறுத்து!
வசந்தராஜா,நெய்வேலி.
சிகரம் சிற்றிதழ். மே- ஜூன் 2009
