* எரிந்தும் எரியாமலும்
சட்டம் படிக்க திட்டமிட்டு
பட்டப்பகலிலேயே கலைந்தது
அந்த கனவு
விட்டத்தைப் பார்த்து வீட்டுக்குள்ளே
அடங்கிப்போனேன்
புகுந்தவீட்டு சுயாட்சியில்
புத்தம்பரப்ப சித்தம் கொண்டேன்
நித்தம் நித்தம் நடந்தும் எனக்கெதிராய்
வரதட்சணையுத்தம்!
முதுகலை தமிழ் படிக்க முயன்று
முயன்று மூர்ச்சையானேன்
மன மகிழ்ச்சியோடு மாமியார் தந்தாள்
மலடி என்ற பட்டம்
தீந்தமிழ்க்கற்று திக்கெட்டும்
தமிழ்ப்புகழ் பரப்ப
நினைத்ததென் மனம்.
திட்டமிடாத திடீர் திருமணம்
தீக்குண கணவரால் கருகியே போனேன்
ஆணாதிக்கச் சந்தேகத் தீயில்
சாதிக்க நினைத்து சேமித்து வைத்த
சிறுவயது சிந்தனைகள்
சிதறியும் எரிந்து என் இதயக் கூட்டுக்குள்ளேயே...
தே.ரம்யா, கொட்டக்குளம்.
சிகரம் சிற்றிதழ். மே- ஜூன் 2009
